Yasamal rayonu, Mətbuat prospektində yerləşən marketlərin birindən müxtəlif vaxtlarda oğurluq edən şəxs saxlanılıb. Bu haqda bu gün, 14 noyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Yasamal RPİ-nin 28-ci Polis Bölməsinə daxil olan məlumata görə, 3714 manat dəyərində tütün məmulatı və 150 manat pul oğurlanıb. Polis əməkdaşlarının keçirdikləri əməliyyat tədbiri nəticəsində əməli törətməkdə şübhəli bilinən Sabirabad rayon sakini, əvvəllər də oğurluğa görə məhkum olunmuş Babək İsmayılov müəyyən olunaraq saxlanılıb.
Faktla bağlı araşdırma aparılır.
