Paytaxtın Sabunçu rayonu, Maştağa qəsəbəsində qoyunlara görə bıçaqlanma hadisəsi baş verib. Bu haqda bu gün, 20 oktyabr tarixində Bakuplus.az Oxu.az-a istinadən xəbər verir.
Natiq İsgəndərova (ad və soyad şərtidir) məxsus qoyunlar Rasim Əliyevin (ad və soyad şərtidir) bostanına ziyan vurduqları üçün 2 şəxs arasında mübahisə baş verib. Nəticədə R.Əliyev bıçaqla N.İsgəndərovu qətlə yetirib.
“Natiqə sadəcə xəsarət yetirmək istəyirdim. Qoyunlar mənim bostanıma təxminən 100-200 manat ziyan vurub. Buna görə mən Natiqə irad bildirdim. O isə mənimlə kobud davrandı”, - deyə təqsirkar açıqlamasında bildirib.
Məhkəmənin qərarı ilə Rasim Əliyev 9 il müddətinə azadlıqdan məhrum edilib.
