"Maştağa şosesinin Buzovna qəsəbəsindən keçən hissəsində baş verən yol-nəqliyyat hadisəsi zamanı ölüm faktı qeydə alınmayıb.
Bildirilir ki, Bakı sakini, 30 yaşlı Məmmədşah Süleymanşah “BMW” markalı, 90-OA-885 dövlət nömrə nişanlı avtomobillə Buzovna–Maştağa şosesində hərəkətdə olarkən Buzovna qəsəbəsi ərazisində idarəetməni itirib. O, maşını yolun kənarında dayanmış Bayram Əsədova məxsus "Mercedes" markalı, 90-OD-970 nömrəli, Alim Fətullayevə məxsus "Chevrolet" markalı, 90-OX-744 nömrəli və Sənan Məhərrəmova məxsus “VAZ-2106” markalı, 10-EO-703 nömrəli avtomobillərə çarpıb.
Nəticədə BMW markalı avtomobilin sürücüsü M.Zeynalov qarının küt travması, sərnişinləri – Siyəzən rayon sakini, 23 yaşlı Nicat Rəşidov qapalı kəllə-beyin və döş qəfəsinin küt travması, Siyəzən rayon sakini, 10 yaşlı Ammar Ramazanlı açıq kəllə-beyin travması, Qusar rayon sakini, 7 yaşlı Davud Orucov döş qəfəsinin əziyi xəsarətləri alaraq Sabunçu Tibb Mərkəzinə müraciət ediblər.
Hazırda Ammar Ramazanlı müalicəsini xəstəxanada davam etdirir, digərləri isə ilkin tibbi yardım alaraq evə buraxılıblar.
12:05 - Maştağada zəncirvari qəza baş verib ölümlə nəticələnib
Bakıda baş verən qəza ölümlə nəticələnib. Bu haqda bu gün, 18 iyun tarixində Bakuplus.az Avtosfer.az-a istinadən xəbər verir.
Hadisə Sabunçu rayonu, Maştağa qəsəbəsində baş verib. Yüksək sürətlə hərəkət edən "BMW" markalı avtomobilin sürücüsü idarəetməni itirib və nəqliyyat vasitəsi yolun kənarında dayanan 3 avtomobilə çarpılaraq aşıb.
Nəticədə maşında olan 2 azyaşlıdan biri vəfat edib.
