Nərimanov rayonunda avtomobildən 10.000 manat pul oğurlayan şəxslər saxlanılıblar. Bu haqda 2 dekabr tarixində APA məlumat verib.
24 noyabr tarixində Nərimanov rayon sakininin “Mercedes” markalı avtomobilindən 10.000 manat pul və sənəd oğurlanıb. Polisin keçirdiyi axtarış-əməliyyat tədbirləri nəticəsində oğurluqda şübhəli bilinən Qobustan rayon sakini Z.Şirinov və Qubadlı rayon sakini R.Camalov saxlanılıblar.
Faktla bağlı araşdırma davam edir.
