Nərimanov rayonunda Vətən Müharibəsi şəhidi Samir Sarıyevin xatirəsinə həsr olunmuş gənclər arasında mini futbol turniri keçirilib. Bu haqda 27 noyabr tarixində Nərimanov Rayon Gənclər və İdman İdarəsi xəbər verib.
Tədbir zamanı Samir Sarıyevin məzarı ziyarət edilib. Mərasimdə şəhidin ailə üzvləri, Nərimanov Rayon İcra Hakimiyyətinin rəsmiləri, Nərimanov Bələdiyyəsinin sədri, Rayon Gənclər və İdman İdarəsinin rəisi və könüllülər iştirak edib. Şəhid xatirəsinə həsr olunmuş gənclər arasında mini futbol turniri keçirilib. Turnirin sonunda qalib komandalara şəhid ailəsinin iştirakı ilə müvafiq dərəcəli diplom və medallar təltif olunub.
Samir Sarıyev 23 oktyabrda Füzuli rayon Alxanlı kəndinin azad olunması uğrunda gedən döyüşlərdə həlak olub. Ölümündən sonra "Vətən Uğrunda", Cəbrayıl və Füzuli rayonlarının azad olunmasına görə medalları ilə təltif olunub.
