Paytaxtın Nərimanov rayonu Heydər Əliyev prospektində yol-nəqliyyat hadisəsi qeydə alınıb. Bu haqda bu gün, 12 oktyabr tarixində APA məlumat yayıb.
Səbuhi Əhmədovun idarə etdiyi “KİA” markalı avtomobil hərəkətdə olarkən yolun kənarında dayanan “Mercedes” markalı nəqliyyat vasitəsinə çırpılıb. Nəticədə sonuncunun sərnişini Həşimə Həsənova, eləcə də birinci avtomobilin sürücüsü S.Əhmədov və sərnişini Cavid Əhmədov xəsarət alıblar.
Hadisə yerinə təcili tibbi yardım və polis əməkdaşları cəlb olunublar.
