Bakının Nərimanov rayonunda gecə saatlarında güclü səs effekti yaradan və yaxınlıqda yaşayan sakinlərin ciddi narazılığına səbəb olan pirotexniki vasitələrdən istifadə edən şəxs saxlanılıb. Bu haqda bu gün, 6 iyun tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Hadisə ötən gecə saat 03:00-da baş verib. Sakinlər polisə müraciət ediblər. Həyətə gələn Nərimanov Rayon Polis İdarəsinin 16-cı Polis Bölməsinin əməkdaşları paytaxt sakini Həsən Hüseynlini saxlayıblar.
Onun barəsində protokol tərtib edilib, materiallar Nərimanov Rayon Məhkəməsinə göndərilib. Məhkəmənin qərarına əsasən o, 5 gün müddətinə inzibati qaydada həbs edilib.
