14:03 - Yenilənib
Mənzildə 4 nəfərin meyitinin tapılması ilə bağlı təfərrütlar məlum olub. APA-dan əldə olunan məlumata görə, meyitlər Nərimanov rayonu, Əhməd bəy Ağaoğlu küçəsində yerləşən 4 mərtəbəli yataqxana binasının 1-ci mərtəbəsindəki mənzildə aşkar edilib. Kişilər müxtəlif rayonlardan Bakıya işləməyə gəliblər. Onlar bazarlarda fəhlə kimi çalışıblar.
İlkin araşdırmalara görə, onların bir neçə gün əvvəl öldüyü qeyd olunur. Ölüm səbəbi və ölənlərin kimliyinin müəyyənləşdirilməsi istiqamətində işlər görülür.
12:11 - Bakıda 4 nəfərin meyiti tapılıb
Bakının Nərimanov rayonunda yerləşən mənzillərin birində 4 nəfərin meyiti aşkar olunub. Bu haqda bu gün, 5 yanvar tarixində Bakuplus.az məlumat verir.
Mənzilin sahibi polisə müraciət edərək bildirib ki, kirayəyə verdiyi mənzilin qapısı arxadan bağlıdır, kişi qapını nə qədər döysə də, kirayəçilər açmır.
Hadisə yerinə gələn polis əməkdaşları qapını açıb və mənzildə 4 kişinin meyitini tapıblar. Cəsədlərin üzərində zorakılıq əlamətləri aşkar olunmayıb.
Ölən şəxslərin meyitləri aidiyyəti üzrə təhvil verilib. Faktla bağlı araşdırma başlanıb. İlkin məlumata görə, onların dəm qazından boğulduğu və ya qidadan zəhərlənərək öldüyü ehtimal edilir.
