Bakının Nəsimi rayonunda güclü yanğın baş verib. Bu haqda bu gün, 16 may tarixində Bakuplus.az Fövqəladə Hallar Nazirliyinə (FHN) istinadən xəbər verir.
Alışma Azadlıq prospektində qeydə alınıb. Yanğın nəticəsində rayon ərazisində yerləşən bir-birinə bitişik obyekt və evlər, ümumilikdə 670 kv.m sahədə yanıb. Sahədən 590 kv.m “Ağ çiçəyim” adlı gül mağazası, 50 kv.m geyim mağazası, 30 kv.m sahə isə restoranın damının payına düşür.
Əraziyə FHN-in 25 ədəd texnikası və 124 nəfər canlı qüvvəsi cəlb olunub. Ərazidə bitişik yerləşən evlər, çoxmərtəbəli yaşayış binası və digər obyektlər yanğından mühafizə olunub. Yanğın söndürülüb.
Hadisə ilə bağlı araşdırma aparılır.
[video width="1920" height="1080" mp4="https://bakuplus.az/storage/photos/2024/05/sequence-0312.mp4"][/video]
