Bakının Nəsimi rayonunda növbəti dəfə iməcilik keçirilib. Bu haqda bu gün, 27 aprel tarixində Bakuplus.az Rayon İcra Hakimiyyətinə (RİH) istinadən xəbər verir.
Təmizlik-abadalıq işləri zamanı rayon ərazisində prospekt və küçələrdə bina fasadları, vitrinlər, həmçinin işıq dirəkləri, məişət tullantıları konteynerlərinin ətrafları yuyulub. Ənənə halını almış iməciliklərdə parklarda abidələr yuyularaq təmizlənib.
Eləcə də yaşıllıq zolaqlarında və hasarlanmış ərazilərdə yanğın hadisələrinin qarşısının alınması üçün tədbirlər görülüb. Otlaq və digər yanğına həssas tullantılar təmizlənərək ərazilərdən çıxarılıb.
Əlavə olaraq, iməcilikdə məhəllələrdə, rayon ərazisində boş sahələrdə, mərkəzi küçə və prospektlərin yol kənarlarında alaq otları təmizlənib.
[caption id="attachment_136427" align="alignnone" width="640"]
Foto rayon İcra Hakimiyyəti[/caption]
