Bakının Sabunçu rayonu, Nardaran qəsəbəsində sakinlərin birindən ov tüfəngi götürülüb. Bu haqda bu gün, 31 yanvar tarixində Bakuplus.az Daxili İşlər Nazirliyinə (DİN) istinadən xəbər verir.
Sabunçu RPİ 42-ci Polis Bölməsi əməkdaşlarının keçirdikləri əməliyyat tədbiri nəticəsində əvvəllər məhkum olunmuş Mahir Quliyev saxlanılıb.
Onun evinə baxış keçirilən zaman oradan lüləsi kəsilmiş, nömrəsi silinmiş ov tüfəngi və 10 ədəd patron aşkar olunaraq götürülüb.
Faktla bağlı araşdırma aparılır.
