Bakının Xətai rayonu, Zığ şosesində 22 may, axşam saatlarında iki avtomobil toqquşub. Bu haqda bu gün, 23 may tarixində Bakuplus.az məlumat verir.
Hadisə Nargilə kafesinin yaxınlığında baş verib. Eyni istiqamətdə hərəkət edən “VAZ 2106” və “Ford” markalı minik avtomobilləri toqquşub. Hadisə nəticəsində xəsarət alan olmayıb. Nəqliyyat vasitələrinə ciddi maddi ziyan dəyib.
Şahidlərin sözlərinə görə, qəza zamanı yolda sıxlıq müşahidə olunub.
