Bakının Nərimanov rayonunda taksi fəaliyyəti ilə məşğul olan, narkotik sərxoşluğu vəziyyətində avtomobil idarə edən şəxs həbs olunub. Bu haqda bu gün, 17 fevral tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Nərimanov Rayon Polis İdarəsinin 18-ci Polis Şöbəsi əməkdaşlarının keçirdiyi tədbir nəticəsində 35 yaşlı Samid Abdullayev məsuliyyətə cəlb edilib, taksi kimi fəaliyyəti dayandırılıb.
O, İnzibati Xətalar Məcəlləsinin “Qanunsuz olaraq narkotik vasitələrin, psixotrop maddələrin istehlakı, satış məqsədi olmadan şəxsi istehlak miqdarında hazırlanması, əldə edilməsi, saxlanılması, daşınması və ya göndərilməsi” maddəsi ilə məhkəmənin qərarı ilə 20 sutka müddətinə həbs edilib.
[video width="480" height="848" mp4="https://bakuplus.az/storage/photos/2023/02/video-whatsapp-2023-02-17-v-09.08.091.mp4"][/video]
