Bakının Nizami rayonunda narkotik aşkarlanıb. Bu haqda bu gün, 25 may tarixində Bakuplus.az Daxili İşlər Nazirliyinə (DİN) istinadən xəbər verir.
Keçirilən tədbir nəticəsində narkotik vasitələrin dövriyyəsi ilə məşğul olan əvvəllər məhkum olunmuş 29 yaşlı Azər Əliyev saxlanılıb. Onun üzərində və idarə etdiyi avtomobildə 5 kiloqram marixuana, heroin, metamfetamin və 45 ədəd çətənə kolu aşkarlanıb.
Həyata keçirilən digər əməliyyat zamanı isə narkotik vasitələrin dövriyyəsi ilə məşğul olan paytaxt sakini, 39 yaşlı Valeh Həsənov tutulub. Həmin şəxsdə satmaq niyyəti ilə əldə etdiyi 5 kiloqram marixuana aşkar olunub.
A.Əliyev və V.Həsənov şəxsiyyətləri istintaqla araşdırılan və sosial şəbəkələrdə tanış olduqları əcnəbi ölkə vətəndaşları tərəfindən narkokuryerliyə cəlb olunduqlarını və narkotikləri deyiləcək yerə qoyandan sonra pul alacağını bildiriblər.
Hazırda araşdırmalar davam edir.
[caption id="attachment_139150" align="alignnone" width="640"]
Foto DIN[/caption]
