Nizami rayonu, Məhsəti Gəncəvi küçəsində yerləşən Bahar şadlıq sarayının yaxınlığında ağacların kəsilmə faktı Ekologiya və Təbii Sərvətlər Nazirliyi tərəfindən araşdırılır. Bu haqda 15 may tarixində Oxu.az məlumat verib.
Bildirilir ki, ağacların məhv edilməsini əks etdirən video oxucular tərəfindən yayılıb. Hadisə yerinə Dövlət Ekoloji Təhlükəsizlik Xidməti cəlb olunub. Əraziyə baxış zamanı şam ağaclarının naməlum şəxslər tərəfindən kəsildiyi məlum olub.
Hazırda hadisəni törədən şəxslərin müəyyən edilərək məsuliyyətə cəlb edilməsi istiqamətində araşdırma aparılır.
14:23 - Yenilənmə
Nizami rayonunda ağac kəsilməsi faktı ilə bağlı aparılan araşdırma başa çatıb. Bu haqda bu gün, 16 may tarixində Dövlət Ekoloji Təhlükəsizlik Xidmətinin rəsmisi Vaqif Cavad məlumat verib.
Araşdırma zamanı ağacın “Nemət-A” sahəsinin sahibinin göstərişi ilə kəsildiyi məlum olub. Yığılan materiallar Baş Prokurorluğa göndəriləcək.
