Paytaxtda özünü 16-cı mərtəbədən ataraq intihar edən 18 yaşlı Lalə Elxan qızı Seyfullayeva Azərbaycan Dövlət Pedaqoji Kollecinin Məktəbəqədər təhsil ixtisasının ikinci kurs tələbəsi olub.
Oxu.az-dan verilən məlumata əsasən, Lalənin kollecdə təhsillə bağlı hər hansı ciddi problem və narahatlıq qeydə alınmayıb.
Faktla bağlı araşdırma aparılır.
13:53 - Nizami rayonunda imtahana gedən qız özünü 16-cı mərtəbədən atıb
Bakının Nizami rayonu, “Qara Qarayev” metro stansiyasının yaxınlığında gənc qız intihar edib. Bu haqda bu gün, 18 yanvar tarixində Bakuplus.az Lent.az-a istinadən xəbər verir.
Paytaxt sakini, 18 yaşlı L.Seyfullayeva hündürmərtəbəli binanın 16-cı mərtəbəsindən özünü atıb. İntiharın səbəbi hələ ki məlum deyil.
İddialara görə, Seyfullayeva kollec tələbəsi olub. O, Hövsan qəsəbəsində yaşayırdı.
Verilən məlumata əsasən, L.Seyfullayeva imtahan vermək məqsədilə evdən çıxıb. Lakin bir müddətdən sonra o, özünü binadan ataraq intihar edib.
Hazırda faktla bağlı araşdırma aparılır.
