Bakının Nizami rayonunda narkotik təsiri altında avtomobil idarə edən şəxs saxlanılıb. Bu haqda bu gün, 11 may tarixində Bakuplus.az Avtosfer.az-a istinadən xəbər verir.
Heydər Əliyev prospektində dövlət qeydiyyat nişanı olmadan kobud şəkildə qayda pozan sürücü tutulub. Araşdırma zamanı məlum olub ki, 42-BT-660 dövlət nömrə nişanlı “Naz Lifan” markalı avtomobilin sürücüsü, Bərdə rayon sakini Vaqif Hüseynov dövlət nömrə nişanlarını çıxararaq, sayrışan işıqlardan istifadə edərək qaydaları pozub.
Həmçinin o, tibbi müayinəyə göndərilib. Nəticədə sürücünün narkotik vasitələrin təsiri altında olduğu aşkarlanıb.
Əlavə olaraq sürücü guya qazi olduğunu iddia edərək məsuliyyətdən yayınmağa çalışıb. Ona protokol tərtib olunub. Barəsində toplanmış materiallar aidiyyəti üzrə Nizami rayon məhkəməsinə təqdim olunub.
