Bakının Nizami rayonunda oğurluq hadisəsi baş verib. Bu haqda bu gün, 9 mart tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata görə, vətəndaşlardan birinin avtomobilindən bank kartları naməlum şəraitdə oğurlanıb. Daha sonra isə həmin kartlardan ümumilikdə 1110 manat çıxarılıb.
Nizami Rayon Polis İdarəsinin 24-cü Polis Şöbəsi əməkdaşlarının həyata keçirdikləri tədbirlər nəticəsində oğurluqda şübhəli bilinən əvvəllər məhkum olunmuş Taleh Nəzərov saxlanılıb.
Onun üzərində heroin aşkarlanıb. Dindirilmə zamanı T. Nəzərov oğurladığı pulu şəxsi istifadəsi üçün aldığı narkotik vasitələrə xərclədiyini bildirib.
Faktla bağlı araşdırma aparılır.
[video width="1920" height="1080" mp4="https://bakuplus.az/storage/photos/2024/03/sequence-06.mp4"][/video]
