Bakının Nizami rayonunda qaydaları pozan “KamAZ” markalı yük avtomobillərinin sürücüləri saxlanılıblar. Bu haqda bu gün, 20 yanvar tarixində Bakuplus.az Avtosfer.az-a istinadən xəbər verir.
Baxış zamanı məlum olub ki, yükdaşıma qaydalarını pozan 4 yük maşınından ikisinin dövlət nömrə nişanı üzərində olmayıb.
Rayon Dövlət Yol Polisi Şöbəsinin (DYP) əməkdaşları maşınları cərimə meydançasına yerləşdiriblər və sürücülər məsuliyyətə cəlb olunublar.
Əlavə olaraq, araşdırmalar zamanı müəyyənləşib ki, sürücülərdən birinin sürücülük hüququ yoxdur.
Nazirlər Kabinetinin qərarına əsasən, 27 oktyabr 2022-ci il tarixindən etibarən xüsusi təyinatlılar istisna olmaqla, kütləsi yüklə birlikdə 8 tondan artıq olan yük avtomobillərinin saat 07:00-22:00 arası, yanacaq daşıyan yük avtomobillərinin isə saat 06:00-dan 00:00-dək Bakı şəhərinə girişi, eləcə də şəhərdaxili hərəkəti qadağandır.
