Bakının Nizami rayonunda soyğunçuluq hadisəsi baş verib. Bu haqda bu gün, 23 iyul tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata görə, naməlum şəxs 75 yaşlı qadının yaşadığı evin dəhlizində ona zor tətbiq edərək, qızıl boyunbağısını talayıb.
Polis əməkdaşlarının keçirdikləri tədbir nəticəsində soyğunçuluq əməlini törətməkdə şübhəli bilinən, əvvəllər də eyni əmələ görə məhkum olunmuş 41 yaşlı Adil Behbudov saxlanılıb.
Baxış zamanı ondan marixuana aşkar olunaraq götürülüb. Hazırda araşdırma aparılır.
