Bakının Nizami rayonu, Bəhruz Nuriyev küçəsində yerləşən çoxmənzilli yaşayış binasında yanğın baş verib. Bir nəfər xəstəxanaya yerləşdirilib. Bu haqda bu gün, 21 may tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Yanğın beşmərtəbəli binanın 4-cü mərtəbəsində ikiotaqlı mənzildə başlayıb. Burada olan bir nəfər vətəndaşın həyatının təhlükəli vəziyyətdə qaldığı müəyyən edilib.
Hadisə yerinə cəlb olunan FHN əməkdaşları tüstülənmiş mənzildən 64 yaşlı Cəmil Nəzərovu xilas edərək təcili yardım briqadasına təhvil veriblər.
Yanğın qısa müddətdə söndürülüb, alışmanın digər mənzillərə keçməsinin qarşısı alınıb. Hadisə zamanı mənzildə 0.5 kv.m ərazisində əşyalar yanıb, kondisioner əriyib.
