İyunun 12-də gecə saatlarında Q.Qarayev prospektində yerləşən marketlərin birindən malları oğurlamaqda şübhəli bilinən şəxs saxlanılıb. Bu haqda bu gün, 17 iyun tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Verilən məlumata görə, 550 manat dəyərində içkilər, kosmetik vasitələr və məişət əşyalarını oğurlamaqda şübhəli bilinən Nəriman Əliyev, əvvəllər oğurluq və narkotiklərlə əlaqəli cinayətlərə görə məhkum olunmuşlar – Cavid Mahmudov və Vüqar İsmayılov polis əməkdaşları tərəfindən müəyyən olunaraq saxlanılıblar.
Faktla bağlı Nizami rayon Polis İdarəsinin 24-cü Polis Şöbəsində araşdırma aparılır.
