Bakı şəhəri, Xətai rayonunda yerləşən evlərin birində insident baş verib. Bu haqda məlumatı Bakuplus.az bu gün, 26 may tarixində Qafqazinfo.az -a istinadən verir.
Belə ki, Füzuli rayonu Qaçar kənd sakini, 46 yaşlı Fikrət Səmədov sərxoş halda keçmiş həyat yoldaşının yaşadığı evə gələrək münaqişə yaradıb. Bu zaman kiçik oğlu Fərid Səmədov onun qarşısına çıxaraq evi tərk etməyi tələb edib. Fikrət Səmədov isə əlindəki bıçağı oğluna uzadaraq onu öldürməsini istəyib.
Bu zaman Fikrət Səmədovun keçmiş həyat yoldaşı 102 xidmətinə müraciət edib. Polislərə müqavimət göstərən F.Səmədov aidiyyəti üzrə 34-cü bölməyə aparılıb, barəsində inzibati protokol tərtib olunub.
Xətai rayon Məhkəməsinin qərarı ilə o, 10 sutka inzibati həbs cəzası alıb.
