Bakının Sabunçu rayonu, Ramana qəsəbəsində evə girən oğru, mədəsinin bəlasına düşüb. Bu haqda bu gün, 10 noyabr tarixində Bakuplus.az Qaynarinfo.az-a istinadən xəbər verir.
Neftçala rayon sakini, 24 yaşlı Zamin İmanov (ad, soyad şərtidir) həyət evlərinin birinə oğurluq məqsədilə girib. Evin qonaq otağında o, ev sahibinin yatdığını görüb və oğurluğ etmək əvəzinə, yatmaq qərarına gəlib.
Daha sonra İmanov aclıq hissindən oyanaraq, mətbəxə keçib və özünə yemək bişirməyə başlayıb. Ancaq mətbəxdə səs-küy yaradaraq evin sahibini oyadıb. Evdə oğru olduğunu anlayan sabiq boksçu İmanovu vurub və onun əllərini kəmərlə bağlamaq istəyib. Ev sahibi kəməri axtaran zaman oğru fürsətdən istifadə edib və masanın üzərində olan 275 manat pulu və 1000 manat dəyərində olan "Samsung A 53” markalı mobil telefonu götürərək, evin pəncərsindən qaçıb.
Zərərçəkmiş şəxs 12-ci Polis şöbəsinə özü ərizə ilə müraciət etdikdən sonra Zamin İmanov saxlanılıb. Məhkəmənin qərarı ilə o, 3 il 3 ay müddətinə azadlıqdan məhrum edilib.
