Bakının Qaradağ rayonunda yanğın hadisəsi baş verib. Bu haqda bu gün, 1 may tarixində Bakuplus.az Fövqəladə Hallar Nazirliyinə (FHN) istinadən xəbər verir.
Hadisə “İpək Yolu” Gömrük Terminalı ərazisində qeydə alınıb. Orada dayanan “Mercedes” markalı yük avtomobilinin yanar hissələri, həmçinin banına yığılan 212 ədəd paltaryuyan və qabyuyan maşın yanıb. Alov yaxınlıqda dayanan “Scania” markalı yük maşınına keçib. Nəticədə onun 6 təkəri və banına yığılan karton taralar qismən yanıb.
Əraziyə FHN-in əməkdaşları cəlb olunublar. Avtomobilin qalan hissəsi yanğından mühafizə olunub. Yanğın söndürülüb.
