Bakıda ispan müəllim amerikalı qadın tərəfindən zorakılığa məruz qalıb. Bu haqda Qafqazinfo-ya istinadən bu gün, 7 iyun tarixində xəbər verir.
Paytaxtın Səbail rayonu, H.Z.Tağıyev küçəsi 14 ünvanında yerləşən kafedə gecə saat 01:00 radələrində əcnəbi ölkə vətəndaşı olan qadınlar arasında əlbəyaxa dava olub.
Mübahisə nəticəsində Bakıda fəaliyyət göstərən “British school in Baku” məktəbində biologiya müəllimi işləyən və İspaniya vətəndaşı olan 41 yaşlı P.A. baş nahiyəsindən xəsarətlər alıb. O, xəstəxanaya aparılıb və tibbi yardım göstərildikdən sonra evə buraxılıb.
P.A. daha sonra hadisə ilə bağlı polisə müraciət edib. O, bildirib ki, ABŞ vətəndaşı olan Kristina adlı qadın xuliqanlıq edərək kafedə dava salıb və stəkanla onun başına zərbələr endirib.
Faktla bağlı araşdırmalar aparılır.
