Bakıda yanğın hadisələri qeydə alınıb. Bu haqda BakuPlus.az Fövqəladə Hallar Nazirliyinin mətbuat xidmətinə istinadən 17 mart tarixində xəbər verir.
16 mart tarixində paytaxtın Sabunçu rayonunda ümumi sahəsi 300 kv.m olan, bir dam altında tikilən və 3 ailənin yaşadığı birmərtəbəli evlərdən sahəsi 90 kv.m olan evin yanar konstruksiyaları yanıb. Hadisə yerinə FHN əməkdaşları cəlb edilib.
Eyni tarixdə daha bir oxşar hadisə Qaradağ rayonunda baş verib. Ümumi sahəsi 10 kv.m olan taxta konstruksiyadan ibarət köməkçi tikili yanıb.
FHN əməkdaşlarının hadisə yerinə cəlb olunması nəticəsində hər iki yanğın söndürülüb.
Yanğının baş verdiyi əraziyə bitişik evlər yanğından mühafizə olunub.
