Bakıda akkumulyator oğruları saxlanılıb. Hadisə paytaxtın Xəzər rayonu, Qala qəsəbəsində baş verib. Bu haqda Daxili İşlər Nazirliyinin mətbuat xidməti məlumat yayıb.
Qəsəbə sakini Xəzər rayon Polis İdarəsinin 3-cü Polis Bölməsinə ona məxsus avtomobilin akkumlyatorunun naməlum şəxslər tərəfindən oğurlandığını bildirib. Həmin ərazidə yaşayan daha 9 sakindən eyni məzmunlu şikayətlər gəlib və onların da avtomobillərindən müxtəlif vaxtlarda akkumulyatorların oğurlandığı qeyd edilib.
Əməliyyat-axtarış tədbiri nəticəsində cinayətləri törətməkdə şübhəli bilinən paytaxt sakinləri əvvəllər də məhkum olunmuş Arzu Əliyev, Şahlar Ağayev, Azad İbrahimov və Yasər Məmmədov saxlanılıblar.
Onlar etdikləri əməlləri etiraf ediblər.
Faktlarla bağlı toplanan materiallar istintaq şöbəsinə göndərilib.
[caption id="attachment_19580" align="alignnone" width="800"]
Foto Azərbaycan Respublikasının Daxili İşlər Nazirliyinin Facebook səhifəsi[/caption]
