Paytaxtın Xəzər və Nərimanov rayonlarında 1 nəfərin ölümü ilə nəticələnən yol-nəqliyyat hadisələri baş verib. Bu haqda bu gün, 15 noyabr tarixində APA məlumat yayıb.
Xəzər rayonu Mərdəkan qəsəbəsində 50 yaşlı Azad Hüseynov sərxoş vəziyyətdə qəfil avtomobil yoluna çıxıb. Nəqliyyat vasitəsinin sürücüsü əyləci vaxtında istifadə edə bilmədiyindən piyadanı vurub. O, hadisə yerində dünyasını dəyişib.
Nərimanov rayonu Aşıq Molla Cümə küçəsində dörd yol ayrıcında “Ford” markalı minik avtomobili “STOP” yol nişanına riayət etməyərək yol kəsişməsinə çıxıb. Bu zaman “Mercedes” markalı nəqliyyat vasitəsi onu vuraraq yol kənarındakı betona çırpıb.
Sonuncunun sürücüsü Ağamir Məmmədov xəsarət alıb.
Hər iki faktla bağlı araşdırma davam edir.
