Abşeron rayonu, Xırdalan şəhəri və Masazır qəsəbəsində oğurluqda şübhəli bilinən şəxslər saxlanılıblar. Bu haqda bu gün, 25 dekabr tarixində Bakuplus.az Daxili İşlər Nazirliyinə (DİN) isitnadən xəbər verir.
Polis şöbəsinə verilən məlumata əsasən, müxtəlif vaxtlarda “Toyota”, “Ford” və “QAZ-31” markalı avtomobillərdən 4 mobil telefon oğurlanıb.
Abşeron Rayon Polis İdarəsi əməkdaşlarının keçirdikləri tədbirlər nəticəsində əməli törətməkdə şübhəli bilinən Bakı şəhər sakinləri V.Yusifov, S.Əliyev və əvvəllər narkotiklərlə əlaqəli cinayətə görə məhkum olunmuşlar – Yevlax rayon sakini M.Atakişiyev və Bakı şəhər sakini Ə.Mövsümov saxlanılıblar.
Faktla bağlı araşdırma aparılır.
