Bu gün, 20 dekabr tarixində səhər saatlarında Keşlə mənzilində Sumqayıt-Bakı istiqamətində hərəkət edən sərnişin qatarı kişini vurub. Bu haqda Bakuplus.az Report-a istinadən xəbər verir.
32 yaşlı Elsevən Kərimov qəfildən qatarın qarşısına çıxıb. Maşinist təcili əyləcə bassa da, məsafə az olduğuna görə qatar toqquşmadan yayına bilməyib. Nəticədə Kərimov hadisə yerində keçinib.
Azərbaycan Dəmir Yolları piyadaları təhlükəli zona hesab olunan dəmir yolu xətlərindən keçmək üçün yalnız müəyyən olunmuş yerlərdən və keçidlərdən istifadə etməyi çağırır.
Cari il ərzində qatar yoluna qəfil çıxması nəticəsində 8 nəfər həyatını itirib, 6 nəfər isə müxtəlif dərəcəli bədən xəsarətləri alıb.
