Bakının Nizami rayonunda aptekdə vətəndaşdan soyğunçuluq yolu ilə pul oğurlanıb. Bu haqda bu gün, 8 yanvar tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata əsasən, naməlum şəxs dərman alan kişinin pulqabısından soyğunçuluq yolu ilə 100 manat oğurlayıb.
Nizami Rayon Polis İdarəsinin 25-ci Polis Şöbəsi əməkdaşlarının keçirilən tədbirlər əməliyyat-axtarış tədbirləri nəticəsində əməli törətməkdə şübhəli bilinən əvvəllər məhkum olunmuş 35 yaşlı Kamil Dadaşov saxlanılıb.
Əlavə olaraq K.Dadaşovun üzərindən şəxsi istifadəsi üçün əldə etdiyi narkotik aşkar olunaraq götürülüb. Soyğunçuluq edən şəxsin qanunsuz hərəkətləri aptekdə quraşdırılan kameralar vasitəsilə qeydə alınıb.
Faktla bağlı araşdırma aparılır.
