Bakının Qaradağ rayonu, Güzdək qəsəbəsi ərazisində yerləşən daş karxanasında bədbəxt hadisə baş verib. Bu haqda bu gün, 28 iyun tarixində Azərbaycan Respublikası Baş Prokurorluğunun mətbuat xidməti məlumat verib.
Hadisə 25 iyun gecə saat 03:00 radələrində baş verib. Karxanada fəhlə kimi çalışan 49 yaşlı Coşqun Səfərov kombaynın qəflətən geriyə hərəkət etməsi nəticəsində aldığı müxtəlif bədən xəsarətləri ilə yerindəcə keçinib.
Hadisə ilə bağlı “Əmək mühafizəsi qaydalarını pozma ehtiyatsızlıqdan insan ölümünə səbəb olduqda” maddəsi ilə cinayət işi açılıb. İstintaq tədbirləri davam etdirilir.
