Bakının Xəzər rayonunda qaçırılan avtomobil Ağcabədidə tapılıb. Bu haqda bu gün, 19 mart tarixində Bakuplus.az Daxili İşlər Nazirliyinə (DİN) istinadən xəbər verir.
Paytaxt sakininə məxsus olan “VAZ-2107” markalı avtomobil qaçırılıb.
Xəzər Rayon Polis İdarəsinin 2-ci Polis Şöbəsinin əməkdaşları tərəfindən keçirilən tədbir nəticəsində əməli törətməkdə şübhəli bilinən əvvəllər məhkum olunmuş Əyyar Əliyev, Elgiz Hacızadə və Rafiq Məmmədli saxlanılıblar.
Onların oğurladıqları avtomobili Ağcabədi rayonuna apardıqları və maşını ehtiyat hissələrinə ayırıb satmaq niyyətində olduqları məlum olub. Nəqliyyat vasitəsi rayon ərazisində sökülmüş vəziyyətdə tapılıb.
Faktla bağlı araşdırma aparılır.
