Sabunçu rayonu, Bakıxanov qəsəbəsində yerləşən dayanacaqda kişi qadına bıçaqla xəsarət yetirməyə cəhd edib. Bu haqda məlumat Daxili İşlər Nazirliyindən Bakuplus-a bu gün, 11 yanvar tarixində verilib.
Hadisə 11 yanvar səhər saatlarında qeydə alınıb. Naməlum şəxs 47 yaşlı bir qadına bıçaqla xəsarət yetirməyə cəhd edən zaman yaxınlıqda olan Nizami Rayon Mühafizə İdarəsinin əməkdaşı, polis baş serjantı Fazil Məmmədov cinayətin qarşısını almağa nail olub. Həmin şəxsdən cinayət aləti olan bıçaq maddi sübut kimi götürülüb.
Polis əməkdaşı tərəfindən o, barəsində tədbir görülməsi üçün ərazi üzrə polis bölməsinə təhvil verilib və naməlum şəxsin axtarışda olan 34 yaşlı Şamil Şükürov olduğu müəyyən edilib.
Faktla bağlı araşdırmalar davam edir.
[caption id="attachment_86510" align="alignnone" width="640"]
Foto Daxili İşlər Nazirliyi[/caption]
