Bakıda və Abşeronda 2 narkotacir saxlanılıb. Bu barədə 19 yanvar tarixində Bakuplus.az Daxili İşlər Nazirliyinə istinadən xəbər verir.
Xəzər rayonu ərazisində polisin keçirdiyi əməliyyat-axtarış tədbirləri nəticəsində axtarışda olan T.Kapışov saxlanılıb. Onun üzərində heroin və metamfetamin aşkar edilib. Kapışov Cinayət Məcəlləsinin “Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma” maddəsi ilə axtarışa verilmişdir.
Daha bir əməliyyat zamanı Abşeron rayonunda paytaxt sakini tutulub. K.Şıxəliyevin üzərində 33 qrama yaxın marixuana və 9 qrama yaxın metamfetamin tapılaraq götürülüb.
Hər iki faktla bağlı araşdırma davam edir.
