Prezident İlham Əliyev paytaxt ərazisində yenidən qurulmuş tibb və təhsil müəssisələrini ziyarət edib. Bu haqda bu gün, 8 sentyabr tarixində Bakuplus.az prezidentin rəsmi saytına istinadən xəbər verir.
Ölkə başçısı, ilk olaraq Uşaq və Yeniyetmələr üçün Respublika Vərəm Xəstəlikləri Sanatoriyasının açılışında iştirak edib. 108 ildir fəaliyyət göstərən professor Gindes adına tibb müəssiəsi üçün 300 çarpayılıq beşmərtəbəli bina inşa edilib. Sanatoriyaya uşaqlar 6 yaşa qədər və 7-17 yaş qrupları üzrə qəbul edilir.
Daha sonra prezident paytaxtın Suraxanı rayonunda yeni inşa edilmiş 87 saylı məktəb kompleksinin şəraiti ilə tanış olub. 94 il əvvəl inşa edilən təhsil ocağında şagird sıxlığı yaşandığından, binada əsaslı yenidənqurma işləri aparılıb. Hazırda müəssisədə 2304 şagird üçün 82 sinif otağı yaradılıb.
Ən sonda Nəsimi rayonunda yerləşən 35 saylı tam orta məktəbə baxış keçirilib. 91 ildir fəaliyyət göstərən təhsil müəssisəsi üçün yenidən dörtmərəbətli bina inşa olunub. Hazırda məktəbdə 888 şagird üçün 24 sinif yaradılıb. Binanın ümumi sahəsi 5454 kv.m təşkil edir.
[URIS id=68956]
