Qala qəsəbəsindəki kafelərin birində 39 yaşlı kişi qətlə yetirilib. Bu haqda bu gün, 28 iyun tarixində Bakuplus.az Xəzər rayon Prokurorluğuna istinadən məlumat verir.
İyunun 27-də saat 23:00 radələrində Bakının Xəzər rayonunun Qala qəsəbəsində yerləşən iaşə obyektlərinin birində 39 yaşlı Zaur Nemətovun ölməsi barədə rayon prokurorluğuna məlumat daxil olub.
İlkin araşdırma zamanı məlum olub ki, 28 yaşlı Akif Məcidov münaqişə zəminində Nemətova bıçaq xəsarətləri yetirərək qəsdən öldürüb.
Faktla bağlı “Qəsdən adam öldürmə” maddəsi ilə cinayət işi başlanılıb. Məcidov şübhəli şəxs qismində saxlanılıb. İbtidai istintaq davam edir.
