Bakının Xəzər rayonu, Qala qəsəbəsində bir nəfərin ölümü ilə və 4 nəfərin xəsarət alması ilə nəticələnən yol qəzası baş verib. Bu haqda bu gün, 25 yanvar tarixində Bakuplus.az APA-ya istinadən xəbər verir.
52 yaşlı Eldəniz Məmmədovun idarə etdiyi “Hyundai Santa Fe” markalı avtomobil 53 yaşlı Asif Qarayevin idarə etdiyi “Mercedes Vito” markalı nəqliyyat vasitəsinə çarpılıb.
Qəza nəticəsində “Mercedes”də olan sərnişin – 46 yaşlı Rüstəm Rüstəmov hadisə yerində keçinib. 56 yaşlı Elmira Vəliyeva, Eldəniz Məmmədov və Əfsanə İmanova, həmçinin 30 yaşlı Əbdül Məmmədov müxtəlif dərəcəli bədən xəsarətləri alaraq xəstəxanaya çatdırılıblar.
Faktla bağlı cinayət işi açılıb.
