Paytaxtın Xəzər rayonu, Türkan qəsəbə sakini olan hərbçi itkin düşüb. Bu haqda bu gün, 4 aprel tarixində Bakuplus.az Xəzər Xəbər-ə istinadən məlumat verir.
23 yaşlı İlqar Məmmədzadə 27 fevral tarixində işlədiyi hərbi hissədən çıxaraq evə yola düşüb. O, 21:00 radələrində qardaşına zəng edərək Qala qəsəbəsində olduğunu və avtobus gözlədiyini bildirib. Daha sonra ondan xəbər almaq mümkün olmayıb.
“Telefon 10-15 gün idi ki xarab olmuşdu. Qala qəsəbəsindəki 4 yolda taksi sürücüsünün telefonundan zəng edib ki, avtobus yoxdur, maşın gözləyirəm. Bundan sonra ondan 7 gündür xəbər almaq olmur”, - deyə İlqarın yaxınları bildirirlər.
Hazırda məsələ polis əməkdaşları tərəfindən araşdırılır. Ərazidə müşahidə kameraları da mövcuddur.
