Bakının Xəzər rayonunun Qala qəsəbəsi ərazisində 5 nəfərin xəsarət alması ilə nəticələnən yol qəzası baş verib. Bu haqda bu gün, 28 iyun tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Bakı sakini Əhməd Axundov idarə etdiyi “Kia” markalı avtomobili yol ayırıcısına vurub. Qəza nəticəsində Axundov və sərnişinləri H.Əliyeva, S.Qəmbərova, M.Qasımov və İ.Əliyev xəstəxanaya yerləşdiriliblər.
Sürücü aldığı xəsarətlərdən xəstəxanada ölüb, sərnişinlər isə ilkin tibbi yardım göstərildikdən sonra evə buraxılıblar. Faktla bağlı araşdırma aparılır.
