Bakıda qanunsuz sərnişin daşıması ilə məşğul olan şəxs "Baku Bus" MMC-yə məxsus avtobusun qarşısını kəsərək sürücüsünə hücüm edib. Bu haqda bu gün, 27 sentyabr tarixində Bakuplus.az Patrul.az-a istinadən məlumat verir.
“Mercedes-Benz” markalı 90-TV-337 dövlət qeydiyyat nişanlı avtomobillə qanunsuz olaraq sərnişin daşıyan sürücü qarşı istiqamətə çıxaraq “Baku Bus” MMC-yə məxsus 175 nömrəli marşrut xətti üzrə hərəkət edən avtobusun yolunu kəsib. O, qarşısından keçib sərnişin topladığı üçün sürücüyə hücum edib.
Həmin şəxsin qanunsuz hərəkətlər etməsinin görüntüləri avtobusun müşahidə kameraları tərəfindən lentə alınıb.
