Suraxanı rayonunda ana və qızına it hücum edib. Bu haqda bu gün, 15 yanvar tarixində Bakuplus.az Oxu.az-a istinadən xəbər verir.
Hadisə rayonun Qaraçuxur qəsəbəsində baş verib. Yolda gedən qadın – Züleyxa Eyşari və azyaşlı qızı itin hücumuna məruz qalıblar.
“Biz gülə-gülə qarşılayırdıq. Qızım iti sığallamaq istəyirdi. Mən itin təlaşından nəsə olacağını başa düşdüm. Sadəcə ehtimal vermədim. Səbəbini bilmirəm, amma həmin an özümü itirmədim. İt qızımın ayağından tutmasın deyə çox çabaladım, tutanda əlimi ağzına saldım ki, möhkəm dişləməsin. İtin isə yiyəsini tapa bilmirik”, – deyə zərərçəkən qadın bildirib.
Nəticədə azyaşlı üzündən və bədənindən xəsarət alıb. Ona quduzluq əleyhinə peyvənd vurulub.
[video width="1920" height="1080" mp4="https://bakuplus.az/storage/photos/2024/01/sequence-04_1.mp4"][/video]
