Bakının Qaradağ rayonu, Lökbatan qəsəbəsində yerləşən anbarların birindən oğurluq edilib. Bu haqda bu gün, 22 sentyabr tarixində Bakuplus.az Daxili İşlər Nazirliyinə (DİN) istinadən xəbər verir.
Polisə verilən məlumata görə, anbarların birindən 106.000 manat dəyərində 84 notbuk və kompüter avadanlıqları oğurlanıb.
Qaradağ Rayon Polis İdarəsi və 10-cu Polis Şöbəsinin əməkdaşları tərəfindən həyata keçirilən tədbirlərlə cinayət əməlini törətməkdə şübhəli bilinən əvvəllər məhkum olunmuş paytaxt sakini Azər Rzayev, Riyad Fərəcov və Rüfət Həsənov saxlanılıblar.
Faktla bağlı Cinayət Məcəlləsinin müvafiq maddəsi ilə cinayət işi başlanılıb, adları qeyd olunan şəxslər şübhəli şəxs qismində tutularaq istintaqa cəlb ediliblər. Şübhəli şəxslərin əməllərindən zərər çəkən başqa şəxslər varsa, polisə məlumat verə bilərlər.
