Ələt-Astara yolunun Bakının Qaradağ rayonu ərazisindən keçən hissəsində avtoqəzaya səbəb piyada olub. Bu haqda bu gün, 29 oktyabr tarixində Baş Dövlət Yol Polisi İdarəsi məlumat yayıb.
Sürücü, 65 yaşlı R.Məmmədov idarəetməni itirərək avtobusu aşırıb. Nəticədə 8 nəfər xəsarət alaraq Kliniki Tibbi Mərkəzə aparılıb. Onlardan 6-sının vəziyyəti orta ağır, 2-sinin vəziyyəti isə ağır olaraq qiymətləndirilir.
Daha öncə məlum olub ki, Lökbatan qəsəbəsindən Ümid qəsəbəsinə 164 saylı marşrut xətti üzrə hərəkət edən “İsuzu” markalı sərnişin avtobusu sürücünün idarəetməni itirməsi səbəbindən aşıb. Hadisə nəticəsində 23 (19-u qadın, 4-ü kişi olmaqla) nəfərin yaralandığı bildirilir.
