Bakıda ikimərtəbəli evdə yanğın olub. Bu haqda 6 oktyabr tarixində Bakuplus.az Fövqəladə Hallar Nazirliyinə istinadən məlumat verir.
Qaradağ rayonunda ümumi sahəsi 390 kv.m (hər mərtəbəsi 130 kv.m) olan mansard tipli ikimərtəbəli evin mansardında 1 ədəd soyuducu, 1 ədəd televizor, 3 p.m mebel, taxtadan ibarət üzlük və dam örtüyü 40 kv.m sahədə yanıb. Hadisə yerinə Fövqəladə Hallar Nazirliyinin əməkdaşları cəlb olunublar. Evin qalan hissəsi yanğından mühafizə olunub.
Yanğın mühafizə bölmələri tərəfindən söndürülüb.
