Bakıda iki nəfərin ölümünə səbəb olmaqda təqsirləndirilən şəxsin məhkəməsi başlayır. Bu haqda 20 yanvar tarixində Report xəbər verib.
Qaradağ rayonu, Qobustan qəsəbəsində 2021-ci ilin sentyabr ayında qəsəbə sakinləri Adil Canatov və Tərlan Şahpələngov yolu keçərkən onları Akif Hüseynov, idarə etdiyi “VAZ-2104” markalı avtomobillə vurub.
Hüseynov Cinayət Məcəlləsinin “Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan iki və daha çox şəxsin ölümünə səbəb olduqda” maddəsi ilə ittiham olunub. Onun cinayət işinə baxılması üçün Bakı Ağır Cinayətlər Məhkəməsinə göndərilib.
