Bakıda yük avtomobilləri toqquşub, xəsarət alan var. Bu haqda 29 sentyabr tarixində Bakuplus.az Fövqəladə Hallar Nazirliyinə istinadən məlumat verir.
Bu gün səhər saatlarında Qaradağ rayonu, Səngəçal qəsəbəsi ərazisində "KamAZ" və "MAN" markalı yük avtomobilləri toqquşub. Qəza nəticəsində "KamAZ" markalı yük avtomobilinin sərnişini, 47 yaşlı Zaur Kadirov avtomobildə sıxılı vəziyyətdə qalıb və onun köməyə ehtiyacı yaranıb. Hadisə yerinə FHN-in Xüsusi Riskli Xilasetmə Xidməti cəlb olunub.
Xilasedicilər xüsusi xilasetmə vasitələrindən istifadə etməklə Z.Kadirovu deformasiyaya uğramış avtomobildən çıxararaq təcili tibbi yardım briqadasına təhvil veriblər.
Hadisə ilə əlaqədar, müvafiq qurumlar tərəfindən təhqiqat aparılır.
