Paytaxtın Qaradağ rayonu, “Qobu Park-2” yaşayış kompleksi, 22 saylı bina təhlükə altındadır. Bu haqda bu gün, 4 aprel tarixində Bakuplus.az Oxu.az-a istinadən xəbər verir.
Bildirilir ki, binanın arxa tərəfində torpaq sürüşməsi baş verir. Ancaq heç bir qurum məsələ ilə maraqlanmır.
Yaşayış kompleksini inşa edən “Kristal Abşeron” məsələ ilə bağlı bildirib ki, sürüşmə yolun digər tərəfindədir və “Qobu Park-2”yə aidiyyəti yoxdur.
Fövqəladə Hallar Nazirliyindən isə ərazinin onların balansında olmadığını, bu səbəbdən də müdaxilə edə bilməyəcəklərini vurğulayıblar.
“Bina artıq balanssaxlayıcıya təhvil verilib. Orada hər hansı bir hadisə baş versə, sürüşmə, çat yaransa, balanssaxlayıcıya müraciət edib mütəxəssisləri dəvət etməlidirlər”, - deyə qurumdan qeyd edilib.
