Bakı-Qazax şosesinin Qaradağ rayonu ərazisindəki hissəsində yük və minik avtomobilləri toqquşub. Bu haqda bu gün, 30 dekabr tarixində Bakuplus.az APA-ya istinadən xəbər verir.
Qobustan qəsəbəsi ərazisində 38 yaşlı Emin Əsədullayev “VAZ-21014” markalı avtomobillə hərəkətdə olan zaman eyni istiqamətdə gedən “KamAZ” markalı yük maşınına çarpılıb. Nəticədə minik avtomobili hissələrə bölünüb, “VAZ”ın sürücüsü və 29 yaşlı Xanbaba Şahbabayev ağır bədən xəsarətləri ilə xəstəxanaya yerləşdiriliblər. Digər sərnişin isə hadisə yerində dünyasını dəyişib.
Faktla bağlı araşdırma aparılır.
